Antonio Agra

     Samhain ou Samaín, é a festividade de orixe celta que poñía fin a tempada de colleitas e era considerada como o "Ano Novo Celta". Os Celtas celebraban esta festa con ritos no que os sacerdotes druidas comunicabanse cos espíritus dos ancestros que chegaban nesas datas para visitar os seus antigos fogares.

  O meu traballo discográfico Samhain para vibráfono solista, é debedor de todos aqueles que fixeron posible que o que foi un desexo -ser músico-, se puidese materializar. Velaquí un dos porqués do título: Samhain como alusión aos que nos precederon, a todo o que ficou atrás pero que constrúe o noso presente.

  Samhain nace como un agasallo para os ouvidos e para as emocións en forma de nove pezas para vibráfono solista, son nove "xoíñas" escollidas do meu ideario estético que teñen o sabor da boa música vestidas cos sedutores e íntimos sons do vibráfono, pezas fronteirizas entre un impresionismo sempre latente e ese regusto do jazz de sempre, que é frescura e intensidade constante.

  Nesta nova proposta de Samhain para cuarteto de jazz, os sedutores sons do vibráfono de Antonio Agra rodéanse dunha fantástica banda de músicos excepcionais e de influencias moi diversas, conformando un repertorio de músicas que abranguen o jazz moderno, o blues ou a fusión. A riqueza armónica e melódica de Antonio Bravo, todo un referente da guitarra de jazz, mestúrase de forma xenial coa sensibilidade do estilo sobrio e sólido, enriquecido por un manexo maxistral do arco, do contrabaixista Finlandés Risto Vuolanne, mentras trás os tambores emerxe a sabedoría do batería Roberto Bao, dono dese talento especial que aporta  a sinal de individualidade e de identificación que distingue aos verdadeiros percusionistas.

Cursa os seus estudos de percusión no Centro Superior de Música do País Vasco (Musikene) finalizando no 2011. Perfecciona a súa formación na Academia de Estudios Orquestales Baremboin-Said (Sevilla), completa a súa formación cós títulos de Máster en Interpretación e Investigación Musical pola Universidad Internacional de Valencia e o Máster en Gestión Cultural pola Universitat Oberta de Catalunya-Universitat de Girona.

Músico formado principalmente na percusión clásica e contemporánea, explora outros estilos de música como o jazz e o folk, recibindo clases de batería de Guillermo McGuill, Miguel Queixas e Lar Legido. Dende o ano 2019 asiste a clases de combo de batería e vibráfono con Paco Charlín no Seminario Permanente de Jazz de Pontevedra.

Formou parte de diversas formacións como a Orquesta Joven da Sinfónica de Galicia, a National Youth Orchestra of the Netherlands ou a European Union Youth Wind Orchestra e colaborou con Vertixe Sonora, a Orquesta Sinfónica de Galicia, a Orquesta Sinfónica de Bilbao ou a Real Filharmonia de Galicia. Na actualidade, forma parte da Banda Municipal de A coruña.